Almaty oblysynda «ASYL JÚREK» syılyǵynyń ıegerleri anyqtaldy
El Prezıdenti Qasym-Jomart Toqaev 2020 jyldy «Eriktiler jyly» dep jarııalaǵany belgili. Memleket basshysynyń ıgilikti ıdeıasyn jetisýlyqtar ystyq yqylaspen qabyl alyp, talaı ıgi istiń uıytqysy boldy. Qoǵamdyq ortaǵa erikti de yntaly túrde paıda tıgizýdi maqsat etken azamattardyń qatary kún sanap artyp, árbir azamat barynsha qolynan kelgen kómekti kórsetýge daıyn ekendigin isimen dáleldeı bildi.
Osy oraıda óńir basshysy Amandyq Batalov jyl boıy erekshe belsendilik kórsetip, qıyn-qystaý kezeńde qoldaýdy qajet etken jandarǵa júrek qalaýymen jaqsylyǵyn aıamaǵan jandarǵa arnaıy «ASYL JÚREK» syılyǵyn taǵaıyndaǵan bolatyn.
Volonterler jyly qorytyndylanyp, oblys ákiminiń júldesine laıyqtylar anyqtaldy.
Atap aıtqanda:
«Murager» etno volonterlik nomınatsııasynyń jeńimpazy – Son Aleksandr Vıtalevıch;
«Jan jylýy» áleýmettik volonterlik nomınatsııasynyń jeńimpazy – Tolamısov Amangeldi Ǵabdylkárimuly;
«Tabıǵat súıer» eko volonterlik nomınatsııasynyń jeńimpazy – Tandeev Sergeı Georgıevıch;
«Haıýanattar qorǵaýshysy» ZOO volonterlik nomınatsııasynyń jeńimpazy – Gýzenko Veronıka ıÝrevna;
«Sózsiz erlik» tótenshe jaǵdaı kezinde kómek kórsetken erikti nomınatsııasynyń jeńimpazy – Amırgalıeva Oksana Oralbaıqyzy;
«Bilgenimen bólisken» onlaın volonterlik nomınatsııasynyń jeńimpazy – Bekmýstafaev Alısher Ermekuly;
«Shıpager» medıtsınadaǵy eriktilik nomınatsııasynyń jeńimpazy Batkalbekov Almabek Otarbaıuly;
«Halyq janashyry» nomınatsııasynyń jeńimpazy bolyp Halysuly Hýmar tanyldy.
Eske sala keter bolsaq, atalmysh sharany Almaty oblysynyń ishki saıasat basqarmasy oblystyq «Rýhanı jańǵyrý» jobalyq keńsesimen jáne «Qoǵamdyq kelisim» kommýnaldyq memlekettik mekemesimen birlese otyryp uıymdastyrdy.
