Almaty oblysynda Astananyń mádenı kúnderi bastaldy
TALDYQORǴAN.QazAqparat - Almaty oblysynda Astananyń mádenı kúnderi ótip jatyr. Elordanynyń 20 jyldyǵyna oraı bastaý alǵan shara qyrkúıektiń 19-na deıin jalǵasady, dep habarlaıdy QazAqparat tilshisi.
«Astananyń mádenı kúnderi aıasynda túrli sharalar ótedi. Máselen, «Aq tilekpen, Astana» kórmesi, «Qorqyt» toby, «Shalqyma» ansambliniń gala-kontserti halyq nazaryna usynylady. «Astanadan aq tilek» kontserttik baǵdarlamasy búgin saǵat 19:00-de Іlııas Jansúgirov atyndaǵy mádenıet saraıynda shymyldyǵyn túredi. 70 ónerpazdyń ónerin jetisýlyqtar tamashalaıdy»,- dedi oblys ákiminiń baspasóz qyzmetiniń jetekshisi Ǵalymurat Júkel.
Sondaı-aq 18-shi qyrkúıekte «Jyr atasy Qaban jyraý» atty kontsert dál osy mádenıet saraıynda jalǵasady. Al mádenıet kúnderdiń baǵdarlamasyna sáıkes, Bıken Rımova atyndaǵy oblystyq drama teatrda eki kún boıy birneshe- qoıylym qoıylady.18 qyrkúıekten bastap kórermenderge usynylatyn repertýarlardyń ishinde «Tomırıs-tsarıtsa sakskaıa» atty epıkalyq shyǵarma, A.Anatolevanyń «Snejnaıa koroleva» ertegisi de bar.
