Almaty oblysynda astana kúnine oraı birneshe nysan paıdalanýǵa berildi
Qonys toıyn oblys ortalyǵymen qatar, Qapshaǵaı qalasynda, sondaı-aq Eńbekshiqazaq, Іle aýdandarynda atap ótti.
Taldyqorǵan qalasynda kópten kútken 55 otbasy páter kiltin qoldaryna aldy. Qýanysh ıelerin osyndaı aıtýly oqıǵamen Almaty oblysy ákiminiń birinshi orynbasary Lázzat Turlashov quttyqtady.
«Memlekettik baǵdarlamalardy tabysty iske asyrýdyń arqasynda bizdiń táýelsiz memleketimizde ekonomıka nyǵaıyp, ınfraqurylym jaqsarýda, oblystyń qalalary men aýyldarynyń ómir súrý deńgeıi men kelbetin edáýir jaqsartatyn jańa áleýmettik jáne mádenı nysandar paıda bolýda.155 kottedjdiń qurylysyna jergilikti bıýdjetten 1,5 mıllıard teńge bólindi.Al 55 páterdi búgin, Astana kúnine oraı beremiz. Barshańyzdy merekemen jáne qonys toıymen shyn júrekten quttyqtaımyn», - dedi ol.
«Kóktem» shaǵyn aýdanynda bes qabatty úı «Nurly jer»baǵdarlamasyn júzege asyrý aıasynda salyndy. Úıdegi páterlerdiń jalpy sany - 55, onyń ishinde 15 – bir bólmeli, 15 – eki bólmeli, 20 –úsh bólmeli, 5-tórt bólmeli. Turǵyn úı qurylys jınaq bankiniń salymshylary «Shańyraq»baǵdarlamasy boıynsha páterlerge ıe boldy.
«Mine, kópten kútken kún keldi. Men tipti kútken joqpyn. Búgin biz ózimizdiń eki bólmeli páterimizge ıe boldyq. Biz bul sátti uzaq kúttik. Barshańyzdy Astana kúnimen quttyqtaımyz. Bul úı biz úshin, Qazaqstan Táýelsizdiginiń 30 jyldyǵyna arnalǵan eń úzdik syılyq dep sanaımyn»,-dedi Muratbek Baltabekov.
Sondaı-aq, Astana kúnin merekeleý qarsańynda Eńbekshiqazaq aýdanynyń Esik qalasynda 30 otbasy páter kiltterine ıe boldy. Páter ıeleri qatarynda jetim balalar, múmkindigi shekteýli jandar jáne halyqtyń áleýmettik osal toptarynyń ókilderi bar. Ekinshi shaǵyn aýdanda ornalasqan Jańa 30 páterli úı «Nurly jer»memlekettik baǵdarlamasy boıynsha salyndy. Turǵyn úı janynda barlyq áleýmettik qajetti nysandar bar.
Sondaı-aq, qapshaǵaılyq 50 otbasyda qýanyshqa kenelip, úıli boldy. Sonymen qatar, Ótegen batyr aýylynda 60 páterli kóp qabatty turǵyn úı paıdalanýǵa berildi. Úıdiń janynda balalar alańy salynyp, turǵyndar úshin barlyq jaǵdaı jasalǵan.
Táýelsizdiktiń 30 jyldyǵyn merekeleý jyly taǵy da kópten kútken qýanysh-Jambyl aýdanynda dárigerlik ambýlatorııanyń paıdalanýǵa berilýi, Іle aýdanynda mekteptiń jáne Tekeli qalasynda qonaq úı kesheniniń ashylýy boldy.
Eki zamanaýı ambýlatorııa Elorda kúni qarsańynda Jambyl aýdanynda esigin aıqara ashty. Endi Úńgirtas jáne Qarasý aýyldarynyń turǵyndaryna eń jaqsy medıtsınalyq qyzmetter qol jetimdi bolady. Úńgirtas aýylynyń emhanasynda 58 em-dom bólmesi bar. Olardyń arasynda eresekter men balalarǵa arnalǵan qabyldaý bólmesi, stomatolog, gınekolog, terapevt kabıneti, zerthana, tańý, feldsherlik, akýsherlik pýnktter jáne kúndizgi statsıonar bar.
«Jańa aýrýhana zamanaýı medıtsınalyq jabdyqtarmen jabdyqtalǵan. Mekeme ýaqyttyń barlyq talaptaryna sáıkes keledi. Aýysymǵa 35 adamǵa deıin qabyldaý múmkindigi bar, barlyǵy aýyldyq okrýgte 4590 turǵyn bar. Ujym 12 qyzmetkerden turady. Bizdiń aýrýhananyń dárigerleri men medbıkeleri adamdarǵa laıyqty kómek kórsetedi dep senemin», - dedi ambýlatorııa meńgerýshisi Baǵlan Tobajanov.
Sonymen qatar, Aşybulaq aýyldyq okrýginde Elorda kúnine oraı 650 oryndyq «Montessori akademy» jekemenshik mektebi ashyldy.
Saltanatty sharaǵa aýdan ákimi Baǵdat Qarasaev qatysty. Bul aýdanda ashylatyn jetinshi mektep.
Informatıka, ádebıet, mýzyka kabınetteri, bı zaly jáne sport zaly bar. Mektepishilik ónerdi damytý basty maqsat bolǵandyqtan, sýretshilerge arnalǵan jeke bólme bar.
Aıta keteıik, bul oqý ornynda balalar Montessorı ádistemesi boıynsha bilim alatyn bolady.
-Qazaqstan Respýblıkasy Táýelsizdiginiń 30 jyldyǵyn merekeleý aıasynda Tekeli qalasynda Jońǵar Alataýynyń baýraıynda ornalasqan jańa «VUSLAT» qonaq úı kesheniniń lentasy qıyldy.
Qonaq úıde jaıly demalys ótkizý múmkindigimen qatar «VUSLAT» tujyrymdamasyna ekotýrızm qaǵıdalary da engizilgen. Týrıster úshin Qazaqstannyń eń bıik sarqyramasy – Burhan-bulaqqa shyǵý jáne jaıaý júrý marshrýttary qarastyrylǵan. Qysta shańǵy bazasyna barý múmkindigi bar. Qonaq úı kesheniniń qurylysyna 200 mln. teńge ınvestıtsııa tartylyp, 12 turaqty jumys orny ashyldy.
