Almaty oblysynda aspırın iship ólmek bolǵan oqýshynyń jaǵdaıy qalaı

QONAEV. QazAqparat- Almaty oblysynda bir qorap aspırın iship óz-ózine qol jumsamaq bolǵan oqýshynyń jaǵdaı belgili boldy, dep habarlaıdy QazAqparat tilshisi.

Almaty oblystyq bilim basqarmasy málim etkendeı, atalǵan jaǵdaıǵa baılanysty arnaıy jumys toby qurylǵan.

Olar tıisti taldaý jasap, zertteý júrgizedi. Sonymen qosa barlyq mektepte profılaktıkalyq jumys qolǵa alynǵan.

«Maqsat - oqýshylarǵa qaýipsiz ári yńǵaıly orta quryp, sapaly bilim berý», - dep atap ótti basqarmadan.

Vedomstvo ókilderi qazirgi tańda oqýshynyń jaǵdaıy birqalypty ekenin aıtty.

«Bala búgin sabaqqa qatysty. Onymen mektep muǵalimderi, psıhologtar, meıirbıke jumys istep jatyr»,- delingen habarlamada.

Eske sala keteıik, biz buǵan deıin Almaty oblysynda bastaýysh synyp oqýshysy bir qorap dári iship, ómirimen qoshtaspaq bolǵanyn habarlaǵan edik.