Almaty oblysynda áskerı tehnıka shyǵaratyn zaýyt ashyldy
ALMATY. QazAqparat - Almaty oblysynda elimizdiń qorǵanys salasy úshin zamanýı radıolokatsııalyq tehnıka shyǵaratyn qazaqstandyq-frantsııalyq «Granıt-Tales Elektronıks» zaýyty ashyldy, dep habarlaıdy QazAqparat tilshisi.
Zaýyttyń saltanatty ashylýyna QR Qorǵanys jáne aeroǵarysh ónerkásibi vıtse-mınıstri Arman Ramazanov pen Frantsııanyń Qazaqstandaǵy tótenshe jáne ókiletti elshisi Fransıs Eten qatysty.
Zaýytta frantsııalyq áskerı tehnıka qurastyrylatyn bolady. Sonymen qatar, Frantsııa tarapy radıolokatsııalyq qurylǵylar salasyndaǵy tehnologııalaryn zaýytqa bermek.
«QR Qorǵanys mınıstrligi álemdegi úzdik radıolokatsııalyq ónimder shyǵaratyn kompanııalardy zertteý qajet degen mindet júktedi. Biz frantsııalyq «Tales» komponııasyna toqtadyq. Ekijaqty joǵary deńgeıdegi kelissózderden keıin 2012 jyly «Tales» kompanııasy tarapynan GTE-2 tehnologııasyn «Granıt-Tales Elektronıks» JShS-ine berý týraly kelisimshartqa qol qoıyldy», - dedi SKTB «Granıt» dırektorynyń orynbasary Marat Amanjolov.
Kelismshartqa sáıkes, 2014 jyly Qazaqstanǵa qurylǵynyń alǵashqy úlgisi jetkizildi. Qazirgi ýaqytta ol áýe qorǵanysy kúshterinde qoldanysta.
