Almaty oblysynda «Áskerı alpınıada-2021» ótýde

ALMATY OBLYSY. QazAqparat - Almaty oblysyndaǵy Іle Alataýy taýlarynda Qorǵanys mınıstrliginiń Taý daıarlyǵy ortalyǵynyń bazasynda «Áskerı alpınıada-2021» ótýde. Bas shtab bastyǵynyń kýbogyn jeńip alý úshin arnaıy maqsattaǵy bólimshelerdiń kil myqty áskerı alpınısteri jarysatyn bolady.

Sportshylar segiz arnaıy tapsyrmany oryndaıdy. Olardyń ishinde Nursultan shyńyna shyǵý, ózen arqyly aspaly arqanmen ótý jáne japsarlasa ótý, zardap shekken adamdy tasymaldaý, arnaıy quraldardy paıdalana otyryp, jartasty jerlerden ótý de bar. Sol sekildi, qatysýshylar tabıǵı jartasqa jeke órmeleý mashyǵyn kórsetip, oıly-qyrly jerlerge marsh jasaıdy.

Taý daıarlyǵy – arnaıy bólimshelerdi taýdaǵy is-qımyldarǵa arnaıy daıarlaýdyń negizgi baǵyttarynyń biri. Jarystardy ótkizý kezinde áskerı qyzmetshilerdiń daıarlyq deńgeıi, olardyń teorııalyq bilimi men tájirıbedegi daǵdylary, jeke jáne top quramynda jumys isteı bilýi baǵalanady.

Jarys Qazaqstan Respýblıkasy Táýelsizdiginiń 30 jyldyǵyna oraılastyryldy. Áskerı Alpınıada jeńimpazdaryn marapattaý rásimi 12 jeltoqsanda ótedi.