Almaty oblysynda asa qatygezdikpen kisi óltirgen kúdikti ustaldy
TALDYQORǴAN.QazAqparat - Almaty oblysynyń polıtseıleri asa qatygezdikpen 37 jastaǵy áıeldiń ólimine qatysy bar degen kúdikpen jergilikti turǵyndy ustady. Tergeý barysynda 45 jastaǵy kúdiktiniń zardap shegýshimen azamattyq nekede turǵany anyqtaldy, dep habarlaıdy QazAqparat tilshisi.
Oblystyq Polıtsııa taratqan aqparatqa sáıkes, oqıǵa Qarasaı aýdanynda bolǵan. 26 qańtar kúni Jańaturmys aýylyndaǵy úılerdiń birinde pyshaq jaraqatyn alǵan úı ıesiniń máıiti tabylǵany týraly habar túsken. Jábirlenýshiniń bet-álpetine pyshaq jaraqattary salynyp, buzylǵan.
«45 jastaǵy er azamat asa aýyr qylmys jasady degen kúdikke ilinip otyr. Qazirgi ýaqytta ustalǵan kúdikti Qarasaı aýdany polıtsııasynyń ýaqytsha ustaý oqshaýlaǵyshyna qamaqqa alyndy. Qazaqstan Respýblıkasy Qylmystyq kodeksiniń 99-babyna sáıkes adam óltirý deregi boıynsha sotqa deıingi tergeý amaldary júrgizilýde. Oqıǵa ornynan qylmys quraly bolýy múmkin as úı pyshaǵy tabyldy. Tárkilengen pyshaq aıǵaqzat retinde tergeý materıaldaryna tirkeldi», - dep habarlaıdy vedomstvonyń baspasóz qyzmeti.
Polıtsııa qyzmetkerleriniń aıtýynsha, qylmys eki adamnyń alkogoldik ishimdikti birge ishý nátıjesinde týǵan janjal kezinde jasalǵan.
