Almaty oblysynda aryqtan shyqqan jaǵymsyz ıis tekserilip jatyr

TALDYQORǴAN. QazAqparat - Almaty oblysynyń Eńbekshiqazaq aýdanyndaǵy aýyl turǵyndary sút zaýyty qaldyqtary aryq sýyna tógilip, sonyń kesirinen jaǵymsyz ıis shyqqanyna shaǵymdandy, - dep habarlaıdy QazAqparat tilshisi.

Almaty oblystyq ekologııa departamentiniń mamandary turǵyndardyń shaǵymynan keıin Labasy aýyldyq okrýgine baryp, jaǵdaıdy tekserip jatyr. Halyq aryzdaryn áleýmettik jelige vıdeo túrinde júktep, jetkizgen.

«Departament ókilderi Labasy aýyldyq okrýginiń turǵyndarymen kezdesti. Zerthana mamandary sýdan synama aldy. Qazir barlyǵy tekserilip, shyqqan qorytyndy boıynsha tıisti shara qoldanylatyn bolady. Atalǵan máseleni ekologııa departamentiniń basshylyǵy baqylaýǵa aldy», - delingen Almaty oblystyq ekologııa departamentiniń habarlamasynda.