Almaty oblysynda «Arqankergen» shekara qosynyndaǵy qoryqshy Rýslan Kımniń óltirilýi faktisimen qylmystyq is qozǵaldy
TALDYQORǴAN. 5 maýsym. QazAqparat - Adam deneleriniń qaldyqtarynyń anyqtalýy, sondaı-aq «Arqankergen» shekara qosynynan 150 metr jerde qoryqshy Rýslan Kımniń múrdesi tabylýy faktileri boıynsha Taldyqorǵan garnızonynyń prokýratýrasy QR QK-niń
96 babyndaǵy 2 bóliminiń «a» pýnkti boıynsha qylmystyq is qozǵady.
Esterińizge sala keteıik, qaıǵyly oqıǵa 2012 jylǵy mamyrdyń 28-nen 29-na qaraǵan túni boldy. 14 adamnyń órtengen múrdeleri, sondaı-aq basyna jáne denesine oq tıgen «Tas Taý» ańshylyǵynyń qoryqshysy Rýslan Kımniń múrdesin jedel toptyń shekarashylary anyqtady. Shekarashylar olarmen 2012 jylǵy 28 mamyrda baılanysqa shyqpaǵan edi.
Qazirgi kezde tergeý amaldary júrgizilýde.
