Almaty oblysynda apatqa ushyraǵan ushaq azyq-túlik jetkizbek bolǵan
TALDYQORǴAN. QazAqparat - Búgin Almaty oblysynyń Balqash aýdanynda apatqa ushyraǵan ushaqtaǵylar azyq-túlik jetkizbek bolǵan, dep habarlaıdy QazAqparat tilshisi.
Quzyrly organnyń málimetinshe, olar Balqash aýdanyndaǵy Jıdeli aýyldyq okrýgindegi «Qonaev saıabaǵy» demalys ornyna bara jatqan. Dittegen jerlerine 60 shaqyrym qalǵanda, áýe kemesiniń qozǵaltshysy isten shyqqan. 100 metr bıiktikten qulap, oqıǵa ornynda ushqysh kóz jumdy. Al ushaqta bolǵan ekinshi adamnyń aıaǵy jaraqattanyp, aýrýhanaǵa jetkizilgen.
Esterińizge sala keteıik, búgin Almaty oblysynyń Balqash aýdanynda ushaq apatqa ushyrady. Áýe kemesiniń ishinde eki adam bolǵan. Ushaq «Olja Bastaý» JShS-ǵa tıesili. QR Investıtsııalar jáne damý mınıstrliginiń málimetinshe, «Olja Bastaý» JShS-nyń QR IDM Azamattyq avıatsııa komıteti beretin avıatsııalyq jumys kýáligi nemese paıdalanýshy retindegi sertıfıkaty bolmaǵan. Paıdalanýshy «Olja Bastaý» JShS jalpy maqsattaǵy avıatsııaǵa qaraıdy, QR IDM Azamattyq avıatsııa komıtetiniń tirkeýinde tur. Atalmysh oqıǵa boıynsha QR IDM Kólik apaty men oqıǵasyn tekserý jónindegi departament tekseris júrgizedi.
Naqtylanǵan aqparat boıynsha, apatqa ushyraǵan áýe kemesi eki kisilik emes, tórt kisilik. Eki jolaýshynyń orny azyq-túlikke toly bolǵan.
