Almaty oblysynda antıterrorlyq oqý-jattyǵýlary ótýde

TALDYQORǴAN. QazAqparat - Almaty oblysynda terrorızmniń aldyn alý maqsatynda arnaıy oqý-jattyǵýlar ótýde dep habarlaıdy, «QazAqparat» HAA tilshisi.

QR «Terrorızmge qarsy kúres» Zańynyń 12-shi baby, 1-tarmaǵy jáne 13-babynyń 3-tarmaǵyn negizge ala otyryp, 18 sáýirde saǵat 08:30-da Almaty oblystyq antıterrorlyq operatsııalar shtaby jumysyn bastady. Mundaǵy maqsat jeke tulǵalardyń, kásiporyndardyń qaýipsizdigin qamtamasyz etip, terrorısterdi qaýipsizdendirip, olardyń keltirgen shyǵyndaryn múmkindiginshe azaıtý.

Oqý-jattyǵý kezinde memlekettik mekemelerdiń, turǵyndardyń quqyqqorǵaý organdary qyzmetkerleriniń áreketterine, qujat tekserýine túsinistikpen qarap, múmkindiginshe qolǵabys jasaý qajettiligi eskertildi.

Sondaı-aq tártip saqshylary halyqtyń qoǵamdyq oryndarda, kólikterde ıesiz jatqan zattarǵa (sómke, qorap, oramalar, qaptar, shabadandar) ásirese symdar men tehnıkalyq qurylǵylar jalǵanǵan buıymdarǵa erekshe nazar aýdarýyn suraıdy. Memlekettik organdardyń resmı aqparattaryn nazarǵa alyp, baıbalamǵa jol bermeý kerektigi qulaqqaǵys etildi.