Almaty oblysynda Antıkordyń aralasýynan keıin zaýyt jumysy jandandy
Máselen, 2019 jyly «Pure Pack» JShS-ni sý qubyrymen jáne elektr jelilerimen jabdyqtaýǵa shamamen 400 mln teńge bólindi. Atalǵan jumystar boıynsha Almaty oblysynyń Kásipkerlik basqarmasy jetkizýshi retinde «Monolıt» JShS belgiledi. Ol 2021 jyldyń maýsym aıynda jumysyn bastady jáne ony sol jyldyń qazan aıynda aıaqtaýy tıis edi.
Alaıda, ártúrli sebepke baılanysty taraptar aıaqtalý merzimin birneshe ret keıinge qaldyrǵan.
Málim etilgendeı, saldarynan zaýyttyń alkogolsiz ónim shyǵarý qyzmeti shekteldi. Bul óz kezeginde jańa jumys oryndarynyń qurylýyna, óńir bıýdjetine salyqtyń túsýine keri áser etti.
Osyǵan baılanysty, bıylǵy qańtar aıynda Sybaılas jemqorlyqqa qarsy qyzmet barlyq múddeli taraptyń qatysýymen jedel keńes ótkizdi. Onyń qorytyndysy boıynsha ónim berýshi men tapsyrys berýshiniń jumysy jandandy.
Búgingi tańda zaýyt aýmaǵynda transformatorlyq qosalqy stantsııalar, sý sorǵylary jáne káriz-sorǵy stantsııalary ornatylǵan. Olardy iske qosý boıynsha tekserý jumystary júrgizilýde.
Zaýytta jergilikti halyqtyń 70-ten astamy jumysqa ornalastyrylǵan.
Jaqyn arada zaýyt óndiris konveıerin tolyǵymen iske qosa alady.
«Bıylǵy jyl basynan Sybaılas jemqorlyqqa qarsy qyzmet»Bıznes jol«kásipkerler quqyǵyn qorǵaý jobasyn iske asyrýda. Negizgi maqsat qylmystyq isterdi qozǵaý emes, bıznesti qoldaý jónindegi memlekettik baǵdarlamalardyń túpkilikti nátıjesine qol jetkizý, kásipkerlerdiń quqyǵy men múddelerin qalpyna keltirý.
Bul óz kezeginde, qolaıly ınvestıtsııalyq ahýaldy, jańa jumys oryndaryn qurý jáne salyq túsimderin arttyrý sııaqty el úshin kóbirek paıda ákeledi»,- delingen Sybaılas jemqorlyqqa qarsy is-qımyl agenttigi Almaty oblysy boıynsha departamentiniń habarlamasynda.
