Almaty oblysynda anonımdi qońyraýdan keıin mektep qorshaýǵa alyndy

QONAEV. QazAqparat - Almaty oblysynda anonımdi qońyraýdan keıin mektepterdiń biri qorshaýǵa alyndy, dep habarlaıdy QazAqparat polisia.kz saıtyna silteme jasap.

22 qyrkúıekte Іle aýdanynyń polıtsııa pýltine Almaty oblysy Ótegen batyr kentindegi mektepterdiń birinde ornatylǵan jarylǵysh zat týraly jasyryn qońyraý kelip tústi.

Oqıǵa ornyna barlyq ǵımaratty tekserýge saperler, kınologtar jáne basqa mamandar shaqyryldy. Aqparat rastalmady.
Qazirgi ýaqytta kúdiktiniń jeke basyn anyqtaý boıynsha jedel-izdestirý jumystary júrgizilýde. Fakti boıynsha tergeý bastaldy.