Almaty oblysynda anasy men qyzyn óltirgen áıel ustaldy
TALDYQORǴAN. QazAqparat - Almaty oblysynyń polıtsııa qyzmetkerleri eki adamdy óltirdi degen kúdikpen 45 jastaǵy áıeldi ustady, dep habarlaıdy QazAqparat tilshisi.
Oqıǵa Báıdibek bı aýylynda bolǵan. 16 qyrkúıek kúni jeke úılerdiń biriniń aýlasynda zorlyqpen óltirilgen eki áıeldiń máıiti tabyldy. Atalǵan fakti boıynsha qylmystyq is qozǵalyp, Eńbekshiqazaq aýdandyq polıtsııa qyzmetkerleri jedel-izdestirý sharasy barysynda sol kúni kúdiktini anyqtap, ustady.
«Kisi ólimin ashýǵa baǵyttalǵan úlken jumys atqaryldy. Nátıjesinde, Eńbekshiqazaq aýdanynyń polıtseıleri asa aýyr qylmys jasaǵan kúdikti retinde osy aýyldyń 45 jastaǵy turǵynyn ustady. Qazir áıel qamaýǵa alyndy. Fakti boıynsha sotqa deıingi tergeý Qazaqstan Respýblıkasy Qylmystyq kodeksiniń 99-babynyń 2-bóligine sáıkes júrgizilýde», - dep málim etti Almaty oblystyq Polıtsııa departamentiniń baspasóz qyzmetinen.
Anyqtalǵandaı, kóz jumǵan áıelder bir-birine anasy (1952 jyly týǵan) jáne qyzy (1975 jyly týǵan) bolyp keledi. Polıtsııada sondaı-aq, fakti boıynsha qajetti saraptamalar taǵaıyndalyp, tergeý oblystyq departamenttiń erekshe baqylaýynda turǵanyn aıtty.
