Almaty oblysynda «Altyn Orda» bazary kúzetshileriniń biri óltirildi
TALDYQORǴAN. 11 qarasha. QazAqparat /Sandýǵash Dúısenova/ - Qarasaı aýdandyq ІІB qyzmetkerleri 10 qarashada «Altyn Orda» bazarynyń qoımalarynyń 60 jastaǵy kúzetshisin óltirgen degen eki kúdiktini ustady.
Oblystyq ІІD baspasóz qyzmetinen habarlaǵandaı, qylmys 7 qarasha kúni túnde oryn aldy. Kúzetshi men onyń áıeli qylmyskerler tonaýshylyqpen aınalysyp jatqan jerinde ústerinen tústi. Osy kezde qylmyskerler eki beıbaqqa birneshe jerden pyshaq salǵan edi.
Shabýyl nátıjesinde kúzetshi oqıǵa ornynda qaza taýyp, onyń áıeli aýdandyq aýrýhanaǵa jetkizildi. Onyń aıtýy boıynsha, qylmyskerlerdiń portreti salynyp, osy dálel arqyly olar quryqtaldy.
