Almaty oblysynda «Altyn belgi» ıegerleriniń qatary kóbeıýde
TALDYQORǴAN. 21 maýsym. QazAqparat /Sandýǵash Dúısenova/ - Almaty oblysynda aǵymdaǵy jyly 330 túlek «Altyn belgi» ıegerleri atandy, 2010 jyly olardyń sany 267 adam bolǵan edi.
Oblys ákiminiń baspasóz qyzmetinen habarlaǵandaı, olardyń ishinde eki túlek eń joǵary - 125 baldy jınady. Olar - Jambyl aýdanyndaǵy Á.Beıseýov atyndaǵy orta mekteptiń túlegi Nurdáýlet Ábilov pen Taldyqorǵan qalasyndaǵy M.Lomonosov atyndaǵy №5 mekteptiń túlegi Ánel Ejenova.
Oblys oqýshylary sońǵy bes jyl boıy respýblıkalyq jáne halyqaralyq bilim jarystarynda úzdik nátıjeler kórsetip keledi. Oblystyń jas daryndary jyldyń basynan beri túrli jarystardan 154 medal qanjyǵalap qaıtty.
