Almaty oblysynda alty aılyq sábı koronavırýstan emdelip shyqty
TALDYQORǴAN. QazAqparat - Almaty oblysynda 34 adam koronavırýs ınfektsııasynan emdelip shyqty, - dep habarlaıdy QazAqparat tilshisi.
Óńir basshysynyń baspasóz qyzmeti bergen aqparatqa sáıkes, olar Іle, Kegen, Panfılov, Qaratal, Eskeldi aýdandary men Taldyqorǵan qalasynyń turǵyndary. Olardyń eń kishisi – alty aılyq sábı bolsa, eń úlkeni - 71 jastaǵy zeınetker. Patsıentter 15 mamyrdan bastap Almaty oblysyndaǵy ınfektsııalyq aýrýhanalarda em qabyldaǵan. Qazir densaýlyqtaryna qatysty shaǵymdary joq.
Búgingi kúni oblysta 248 adam koronavırýstan jazylyp shyqty.
