Almaty oblysynda áleýmettik kómekshi mindetin atqarmasa da jalaqy alyp otyrǵan
TALDYQORǴAN.QazAqparat - Almaty oblysynda áleýmettik kómekshi jalaqysyn alyp, mindetin atqarmaǵan. Atalǵan jaǵdaı Sarqan aýdanynda boldy, dep habarlaıdy QazAqparat tilshisi.
Mundaı olqylyqtardy Sarqan aýdanynyń prokýrorlary anyqtady. Olar taratqan málimetterge qaraǵanda, Nareýbaeva E. N esimdi azamatqa tıisti zań talaptaryna sáıkes jetisine eki ret áleýmettik kómek kórsetilýi tıis bolǵan. Alaıda, bul jumystar tek qujat júzinde júzege asqan. Esesine, áleýmettik kómekshi apta saıyn emes, aıyna bir-eki retten tóbe kórsetip, turaqty jalaqysyn alyp otyrǵan. Endi mindetin tolyqtaı atqarmaǵan maman jaýapqa tartylatyn boldy.
Sondaı-aq Sarqan aýdanynyń prokýratýrasy 1938 jyly týǵan Úsenov esimdi qarııanyń áleýmettik kómekke muqtaj bola tura, onyń arnaıy tizimge tirkelmegendigin anyqtaǵan. Demek, Sarqan aýdanynyń áleýmettik sala mamandary osy turǵyda salǵyrttyq tanytyp, qarııany kómeksiz qaldyrǵan. Endi aýdan prokýratýrasy tarapynan Úsenovqa áleýmettik kómekshini bekitý boıynsha usynys jasaldy.
