Almaty oblysynda áleýmettik ıdeıalar jármeńkesiniń jeńimpazdary anyqtaldy

TALDYQORǴAN. QazAqparat - Taldyqorǵan qalasynda «Áleýmettik ıdeıalar men jobalar jármeńkesiniń» jeńimpazdaryn marapattaý rásimi alǵash ret uıymdastyryldy. Taǵaıyndalǵan granttardyń jalpy somasy 4 500 000 teńge, dep habarlaıdy QazAqparat tilshisi.

Іs-shara barysynda Almaty oblysy ákiminiń orynbasary Jaqsylyq Omar, Qazaqstan Respýblıkasynyń «Qurmet» ordeniniń ıegeri,  komıssııa múshesiniń tóraǵasy Ermek Kelemseıit quttyqtap, jeńimpazdarǵa sertıfıkattar tabystady. Baıqaý nátıjesine sáıkes, úzdik 15 joba anyqtalyp, 5 jobaǵa 500 000 teńge jáne 10 joba avtorlaryna 200 000 teńge kóleminde sertıfıkattar áleýmettik jobalardy júzege asyrý úshin tabystaldy.

«Jármeńkege qatysý úshin ótinimder aǵymdaǵy jyldyń 20 sáýirinen 30 mamyrǵa deıingi aralyqta qabyldandy.  Almaty oblysynyń 13 aýdan men 3 qalasynan, 29 ÚEU-nan 43 joba kelip tústi.  Almaty oblysynyń úkimettik emes uıymdary úshin bul mańyzdy is-shara ekendigin atap ótý kerek», - dedi konsaltıng ortalyǵynyń jetekshisi Eldar Saparov.

Baıqaý uıymdastyrýshylary atap kórsetkendeı, atalmysh joba boıynsha qarjylandyrý jyldan jylǵa ulǵaıyp, ÚEU ókilderiniń jumystaryna jańasha serpin bermek.