Almaty oblysynda áleýmettik dúkenderdiń sany kún sanap artyp keledi
TALDYQORǴAN. 9 sáýir. QazAqparat - Almaty oblysynda áleýmettik dúkenderdiń sany 20-ǵa deıin ósti.
«JetisýAgroSaýda» JShS-niń aımaqtyq resmı ókili Márlen Kólbaev málim etkendeı, tek Taldyqorǵannyń ózinde ǵana 8 dúken jumys isteıdi.
«Satyp alýshy árdaıym azyq-túliktiń 30-dan astam túrin sóreden taba alady. Atap aıtqanda, jarmadan bastap makoron ónimderi, kókóniske deıin bar. «JetisýAgroSaýda» JShS-niń áleýmettik dúkenine kelýshiler kóp, bul jerde azyq-túlik bazar baǵasynan 15-20 paıyzǵa tómen, dep atap ótti M. Kólbaev.
Oǵan qosa, qalada «JetisýAgroSaýda» JShS-ne tıesili eki avtodúken jumys isteıdi. Kóshpeli saýda núkteleri únemi áleýmettik jármeńkelerge qatysyp turady, bundaı áleýmettik dúkender oblys turǵyndarynyń arasynda keńinen tanymal.
