Almaty oblysynda alaıaqtyqtyń jańa túri paıda boldy
TALDYQORǴAN. QazAqparat - Almaty oblystyq ІІD qyzmetkerleri turǵyndarǵa alaıaqtyqtyń jańa túri paıda bolǵanyn eskertedi, dep habarlaıdy QazAqparat tilshisi.
Oblystyń polıtseıleri alaıaqtyq faktileriniń aldyn alýǵa jáne ashýǵa baǵyttalǵan áreketterin jandandyra tústi. Sońǵy birnshe táýlikte alaıaqtyq jasaǵany úshin kúdikti tulǵalar ustalǵan bes fakti ashyldy. Kóbinde alaıaqtar egde jastaǵy adamdardy tańdaıdy. Sebebi qarııalar óte sengish jáne óziniń aldanyp jatqany oıyna da kirip shyqpaıdy. Al alaıaqtyqtyń jańa túrine keler bolsaq, qylmysker ózin túrli memlekettik mekeme qyzmetkerimin dep tanystyryp, quny «1000» teńgelik eski úlgidegi aqshany aıyrbastaýdy usynady. Ári qaraı otandyq valıýta aqsha belgileriniń sýreti bar jalǵan aqshaǵa aıyrbastap, aldap soǵýda. Polıtsııa qyzmetkerleri Almaty oblysynyń turǵyndaryna, abaı bolýdy, úıge kelip, aqshany aıyrbastaýdy ne bolmasa basqa kúdikti aqsha kelisimderin usynatyn beıtanys adamdarǵa senbeýin suraıdy. Negizdelgen kúdik bolsa, polıtsııaǵa qońyraý shalyp habarlasýy qajet dep keńes beredi.
