Almaty oblysynda alaıaqtyq jasady degen kúdikpen 4 áıel ustaldy
TALDYQORǴAN.QazAqparat - Almaty oblysynda alaıaqtyq jasady degen kúdikpen 4 áıel ustaldy. Qazir olardyń ózge de qylmysqa qatysy bar-joǵy anyqtalyp jatyr, dep habarlaıdy QazAqparat tilshisi.
Oblystyq ІІD baspasóz qyzmetindegilerdiń málimetinshe, 4 áıelden zardap shekken Bıǵash aýylynyń eki turǵyny quzyrly organǵa shaǵymdanǵan. Jábirlenýshilerdiń sózinshe, azııalyq kelbettegi 4 áıel qumalaq ashyp, dýalaý áserinen aryltamyn dep ýáde bergen. Jáne olar sol qyzmetteri úshin áshekeı buıymdar suraǵan. Alaıda, dýalaýdan aryltatyn kelinshekter jábirlenýshilerdiń aqshasyn, uıaly telefondaryn jáne altyn áshekeılerin áketken. Al zardap shekkender, ózderiniń qundy zattaryn qalaısha alaıaqtardyń qolyna tapsyrǵandaryn ózderi bilmeıdi. Dýalaý áseri boldy degen senimde. Zardap shekkenderdiń jalpy shyǵyn kólemi 200 myń teńgeden asady. Atalǵan shaǵymnan keıin 4 áıel qolǵa tústi. Olar Ózbekstan eliniń azamattary eken. Almaty mańynda páter jaldap turyp kelgen. Ustalǵandardyń buǵan deıingi tórt qylmysqa qatysy bar ekeni anyqtaldy. 24-47 jastaǵy azamatshalardyń ústinen «Urlyq» jáne «Alaıaqtyq» faktileri boıynsha qylmystyq is qozǵaldy. Eskeldi aýdanynyń polıtseıleri qazir ustalǵan kúdiktilerdiń ózge de qylmysqa qatysy bar joǵyn anyqtap jatyr.
Jáne sýrettegi áıelderden zardap shekkender bolsa 102 nomerine nemese 8 72836 - 30882 nómirine habarlasýyn suraıdy.
