Almaty oblysynda alaıaq membaǵdarlamamen úı «alyp bermek» bolǵan
Bıylǵy 23 sáýirde Eńbekshiqazaq aýdandyq polıtsııa bóliminiń kezekshi bólimine Esik qalasynyń 33 jastaǵy turǵyny aryzdanǵan. Ol memlekettik baǵdarlamamen Esik qalasynan 3 bólmeli páter alýǵa kómektesýge ýáde etip, alaıaqtyq jolmen 1,6 mln teńge aqshasyn ıemdenip ketken azamatqa zańdy shara qoldanýdy suraǵan.
Atalǵan derek QR QK-niń 190-baby 1-bóligi boıynsha tirkeldi.
«Qylmystyq isti tergep-tekserý barysynda kúdikti 39 jastaǵy jergilikti turǵyn anyqtaldy. Ol jaýap alý barysynda erli-zaıyptylardyń senimine kirip, arnaıy memlekettik baǵdarlamamen úı alyp beremin dep 1 600 000 teńge kóleminde qarajat alǵanyn jetkizdi. Qazirgi tańda sotqa deıingi tergeý amaldary júrgizilýde. Kúdiktige qatysty «kelý týraly mindetteme» túrindegi bultartpaý sharasy tańdaldy. Ózge aqparat tergeý qupııalylyǵyna baılanysty taratylmaıdy», - dedi Eńbekshiqazaq APB bastyǵynyń birinshi orynbasary Jaqsylyq Altynbaev.