Almaty oblysynda alabaı tuqymdy eki ıt qyz balany talap tastady
Almaty oblystyq Polıtsııa departamenti baspasóz qyzmetiniń málimetinshe, oqıǵa Talǵar aýdanynyń Tuzdybastaý aýylynda bolǵan. Qazir birneshe jerinen jaraqat alǵan 7 jastaǵy bala Almatydaǵy aýrýhanada jatyr.
«Bul oqıǵa 5 maýsym kúni Tuzdybastaý aýylynda boldy. Alabaı tuqymdy eki ıt 7 jastaǵy qyz balany qaýyp alǵan. Betinen jáne denesinen jaraqat alǵan qyz aýrýhanada jatyr. Atalǵan fakti boıynsha QR QK 114 baby 3-shi tarmaǵyna sáıkes tergeý júrgizilýde. Itterdiń ıesi 57 jastaǵy jergilikti turǵyn ekeni anyqtaldy. Onyń sózinshe, ıtteri arnaıy qorshaýda qamaýda turady. Biraq oqıǵa bolatyn kúni aýlaǵa tamaqtandyrý úshin bosatylǵan. Sol sátte eki ıt aýlanyń syrtyna shyǵyp ketip, balaǵa tap bergen. Itterdiń ıesi kishkentaı qyz balanyń emine qajetti kómek kórsetýge daıyn»,- delingen atalǵan vedomstvonyń baspasóz qyzmeti taratqan habarlamada.
Qazir qajetti saraptamalar taǵaıyndaldy. Naqty protsessýaldyq sheshim saraptanyń qorytyndysy shyqqannan keıin qabyldanatyn bolady.
«Eki ıtti ustaý boıynsha da sheshim qabyldanady»,- dep tolyqtyrdy atalǵan vedomstvonyń baspasóz qyzmetinen.