Almaty oblysynda Aqtóbede qaza tapqan ofıtser D.Maılybaevty aqtyq saparǵa shyǵaryp saldy (FOTO)
TALDYQORǴAN. QazAqparat - Jerleý rásimi Danıel men onyń ata-anasy týyp, ósken Talǵar qalasynda ótti. Batyrdy aqtyq saparǵa shyǵaryp salýǵa barlyq qala turǵyny keldi. Qaza tapqannyń týystary men jaqyndaryna kóńil aıtýǵa Almaty oblysynyń ákimi Amandyq Batalov pen «Nur Otan» partııasynyń oblystyq fılıaly tóraǵasynyń birinshi orynbasary Sarybaev Ǵalıasqar bardy.
- Ofıtserdiń, Otan qorǵaýshysynyń ajal qushýy biz úshin aýyr tıdi. Biz qaza tapqan azamattyń januıasyna kómektesemiz. Januıaǵa materıaldyq kómek retinde 5 mln teńge bólinedi.- dedi Amandyq Batalov. Sonymen qatar aýdandyq bılik qaza tapqan ofıtserdiń januıasyna Talǵar aýdanynda jańadan salynyp jatqan úıden páter bólinetinin aıtty.
QR UQK maıory D.Maıylbaevtyń artynda áıeli men tórt balasy qaldy.
Sonymen qatar, «Nur Otan» partııasynyń Talǵar aýdandyq fılıaly tóraǵasynyń birinshi orynbasary Meıramgúl Ermaǵanbetova atap ótkendeı, jerleý rásimine qatysty shyǵyndardy aýdan ákimdigi, qoǵam qaıratkerleri men jergilikti kásipkerler óz moınyna alǵan. 
