Almaty oblysynda Aqsý aýdanynyń polıtsııa basshysy daýly vıdeodan soń jumystan ketti

TALDYQORǴAN. QazAqparat - Almaty oblysynda Aqsý aýdanynyń polıtsııa basshysy daýly vıdeodan soń jumystan ketti, dep habarlaıdy QazAqparat tilshisi.

Osy oqıǵaǵa baılanysty Almaty oblysy Polıtsııa departamentiniń bastyǵy Serik Kúdebaev túsinikteme berdi.

«4 mamyrda áleýmettik jelide sol kezde Aqsý aýdanynyń polıtsııa bólimi bastyǵynyń mindetin atqarǵan ishki ister organdary qyzmetkeriniń ádepsiz minez-qulqynyń vıdeosy jarııalandy. Atalǵan qyzmetker jeke qurammen jumys jasaýda óreskel keshirilmeıtin qatelik jibergenin moıyndap, ony qyzmetinen bosatý týraly baıanat jazdy.

Degenmen, osy derek negizinde meniń tapsyrmam boıynsha, Almaty oblysy PD Ózindik qaýipsizdik basqarmasy qyzmettik tergeý júrgizýde, onyń nátıjesi boıynsha bolǵan oqıǵaǵa obektıvti baǵa beriledi», - dedi S.Kúdebaev.