Almaty oblysynda aqsha bopsalaýshy qylmystyq top ustaldy
TALDYQORǴAN. QazAqparat - Almaty oblysynda aqsha bopsalaýshy qylmystyq top ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, qyrkúıek aıynyń sońynda departamentke Qapshaǵaı qalasynyń 35 jastaǵy eki turǵyny olardan iri kólemde aqsha bopsalaǵany týraly aryzdanǵan. Kúdiktiler bireýinen 400 000 teńge, ekinshisinen 240 000 teńge alyp, taǵy 600 AQSh dollaryn berý kerektigin aıtyp, qorqytqan. Atalǵan derek Qylmystyq kodekstiń 194-baby 2-bóligi boıynsha tirkeldi.
«Qapshaǵaı qalasynyń 35,34, 32 jáne 31 jastaǵy tórt turǵyny ustaldy. Qazirgi ýaqytta tórt kúdikti de qamaýǵa alyndy. Toptyń uıymdastyrýshysy buryn da osy áreketi úshin eki ret qylmystyq jaýapkershilikke tartylǵan jáne 2003 jyly 3 jylǵa, al 2008 jyly 5 jylǵa bas bostandyǵynan aıyrylǵan. Bul qylmystardyń aldyn-ala daıyndalǵandyǵy jáne keıingi materıaldyq shaǵymdardy usyný úshin sebepterdiń maqsatty túrde qurastyrylǵany anyqtaldy. Qylmystyq jaýapkershilikten jaltarý úshin aıyptalýshylar ózderiniń qylmystyq áreketterin qaryzdy qaıtarý týraly ádettegi talap dep túsindirgen», - dedi Almaty oblysy PD Krımınaldyq polıtsııa basqarmasynyń bastyǵy Ashat Danııar.
