Almaty oblysynda aqparattyq top latyn álipbıiniń mańyzdylyǵyn túsindirýde

TALDYQORǴAN. QazAqparat - Almaty oblysynda aqparattyq top latyn álipbıiniń mańyzdylyǵyn túsindirýde. Top músheleri túsindirme jumysyn qulager aqyn Іlııas Jansúgirovtiń aýylynan bastady. Aqsý aýdandyq mádenıet úıinde óńir halqymen júzdesý ótti, dep habarlaıdy QazAqparat tilshisi.

Jıyndy aýdan ákimi Ádilbek Dalbaǵaev ashyp, «Rýhanı jańǵyrý» baǵdarlamasyn iske asyrý jóninde aýdanda atqarylyp jatqan jumystar týraly baıandap, óz oıyn ortaǵa saldy. Sondaı-aq, jıynda Almaty oblysynyń tilderdi damytý jónindegi basqarmasynyń basshysy Aıdar Bashbaev sóz aldy. Onyń aıtýynsha, latyn grafıkasyna kóshý memlekettik tildiń qoldanys aıasyn odan ári keńeıtýge múmkindik beredi.

 

«Latyn álipbıine kóshý kerek. Sebebi, bizdiń keleshegimiz osyǵan baılanysty bolyp keledi. Jańa qarip álemdik ınnovatsııalardy jedel ıgerýge, keleshegimizge nyq basyp, tehnologııa men kommýnıkatsııany meńgerýge múmkindik beretin qural. Bul keleshek urpaq úshin mańyzdy ózgeris. Endeshe rýhanı jańǵyrýymyzdyń temirqazyǵy bolyp otyrǵan latyn álipbıin halyq bolyp qoldaýymyz qajet», - dedi basqosý barysynda І. Jansúgirov atyndaǵy Jetisý memlekettik ýnıversıtetiniń qazaq tili men ádebıeti kafedrasynyń professory Muratbek Imanǵazınov.

Sondaı-aq jıynda óńir halqy oblystan arnaıy kelgen top múshelerine kókeıde júrgen saýaldaryn qoıyp, latyn álipbıine kóshý jaıynda naqty málimetter aldy.