Almaty oblysynda ákesi zorlady delingen apaly-sińlili qyzdar polıtsııa qorǵaýyna alyndy

QONAEV. QazAqparat - Almaty oblysynda ákesiniń tarapynan zorlyq-zombylyqqa ushyraǵan apaly-sińliler polıtsııanyń qorǵaýyna alyndy, dep habarlaıdy QazAqparat polıtsııaǵa silteme jasap.

28 mamyr kúni 2001 jylǵy Ts. jáne 2003 jylǵy Ts. ótinishi boıynsha Eńbekshiqazaq aýdany polıtsııasynda QR QK 121-babynyń 4-bóligi (seksýaldy sıpattaǵy zorlyq-zombylyq áreketteri) boıynsha eki qylmystyq is tirkeldi.

Júrgizilgen tergeý men jedel-izdestirý kezinde jábirlenýshilerdiń ákesi - 57 jastaǵy kúdikti Ts. esimdi azamat anyqtaldy.

Qazirgi ýaqytta qylmystyq is fıgýrantynyń qatysýymen asa aýyr qylmys jasalǵan mán-jaıdy jan-jaqty, tolyq jáne obektıvti zertteýge baǵyttalǵan barlyq qajetti tergeý áreketteri júrip jatyr.

Tıisti saraptama taǵaıyndaldy.

Jábirlenýshi qyzdar sotqa deıingi tergeý kezinde polıtseılerdiń qorǵaýyna alyndy.

Kúdikti QR QІJK 128-baby tártibimen ustalyp, ýaqytsha ustaý ızolıatoryna qamaqqa alyndy.

Tergeý barysy oblys polıtsııa departamenti bastyǵynyń baqylaýynda.