Almaty oblysynda ákesi órtegen eki balanyń biri tiri - ІІD
TALDYQORǴAN. QazAqparat - Almaty oblysynda ákesi órtep jibergen eki balanyń biri tiri. Qazir 18 jastaǵy qyz aýrýhanada jatyr, dep habarlaıdy QazAqparat tilshisi.
Oblystyq ІІD baspasóz qyzmetiniń taratqan resmı aqparatyna sáıkes, qazir 18 jastaǵy qyz bala aýrýhanada. Jaǵdaıy aýyr.
Aıta ketý kerek, buǵan deıin BAQ-ta er adam eki balasymen órtenip ketti dep habarlanǵan.
Esterińizge sala keteıik, atalǵan qaıǵyly oqıǵa 20 jeltoqsan kúni tańǵy saǵat tórt shamasynda Іle aýdanyndaǵy Ótegen batyr aýylynda bolǵan. Aldyn ala boljam boıynsha, áıelimen ajyrasyp ketken kúıeýi burynǵy otbasyna kelip, ústine benzın quıyp, ózin órtep jibergen. Sol sátte bólme órtke oranyp eki balasy da qyzyl jalynnyń ortasynda qalǵan. 2005 jylǵy ul bala oqıǵa ornynda tilge kelmesten kóz jumǵan. Al 1999 jylǵy qyz bala aýrýhana jetkizilip, emin qabyldap jatyr. 1973 jylǵy azamattyń mundaı qadamǵa ne ıtermelegeni belgisiz. Onyń 1971 jylǵy burynǵy áıeli din aman. Qazir QR QK 99 baby 2-shi tarmaǵy boıynsha is qozǵalyp, tergeý jalǵasýda.
