Almaty oblysynda «Aq dastarhan-2016» baıqaýy óz máresine jetti
TALDYQORǴAN. QazAqparat - Taldyqorǵanda «Aq dastarhan-2016» atty oblystyq aspazdar baıqaýy óz máresine jetti, dep habarlaıdy QazAqparat tilshisi.
5-shi ret ótkizilip otyrǵan dám dodasyna Almaty oblysynyń 16 aýdan 3 qalasynan 25 komanda qatysty. Ár top quramynda 2 aspaz, meıramhana ıesi men kásipkerlik bóliminiń bir ókili boldy. Olar dámi til úıiretin taǵamdardy daıyndap qana qoımaı, ony halyqqa usyný máneri, dastarhandy ádemilep bezendirý, jáne qyzmet kórsetý boıynsha saıysty. Talǵar aýdany men Raıymbek aýdanynan kelgen aspazdar úzdik úshtikten kórinse, Taldyqorǵan qalasyndaǵy «Kıshlak» meıramhanasy bas júldeni qanjyǵalady. Jalpy bul baıqaýdyń basty maqsaty qoǵamdyq tamaqtaný oryndaryna ózara básekelestik týǵyzyp, meıramhana bıznesiniń sapasyn kóterý. Sondaı-aq bul jerde ár aýdannan kelgen aspazdar ózara tájirbıe almasý múmkindigine ıe bolady.
