Almaty oblysynda AES salyna ma
Qanat Bozymbaevtyń el aldyndaǵy esebi barysynda Taldyqorǵan qalasynyń turǵyny Almaty oblysynyń Úlken kentinde AES salynatyndyǵyna qatysty aqparattyń qanshalyqty ras ekenin surady.
«Dál qazir Qazaqstanda elektrge tapshylyq joq. 2025-27 jylǵa deıin profıtsıt bolady degen boljam bar. Odan keıingi kezeńde ortalyq jáne ońtústik óńirlerde qajettilik týyndaýy múmkin. Úlken kenti de sol aýmaqqa kiredi. Biraq bul atalmysh eldi mekende AES salynady degen sóz emes», - dedi energetıka mınıstri.
Vedomstvo basshysy qazirgi tańda atom elektr stansasyn paıdalaný tehnologııasy jan-jaqty zerttelip jatqanyn atap ótti.
«Bul másele tolyq zerttelmeıinshe, naqty sheshim qabyldanbaıdy. Sondyqtan, qorqýdyń qajeti joq Bul ázirge qaýeset qana. Eger osyǵan uqsas aqparattardy sheteldik uıymdar men kompanııalar taratsa, solardyń nıeti ǵana dep qabyldaý kerek. Nemese bul saıası oıyn ǵana. Prezıdent Qasym-Jomart Toqaev ta bul týraly naqty ustanymyn aıtyp, halyqtyń qalaýyn eskere otyryp sheshim qabyldanatynyn eskertti. Halyq qarsy bolsa, eshkim, eshteńe salmaıdy. Alańdamaı-aq qoıyńyzdar», - dedi Qanat Bozymbaev.
