Almaty oblysynda adam urlaǵan qylmystyq top ustaldy
TALDYQORǴAN. QazAqparat - Almaty oblysynyń tártip saqshylary adam urlap, jarty mıllıon teńge bopsalaǵan azamattardy quryqtady, dep habarlaıdy QazAqparat tilshisi.
Jýyrda Talǵar aýdandyq Іshki ister bólimine Almaty qalasynyń turǵyny habarlasyp, belgisiz bireýler baýyryn urlap, 500 myń teńge talap etip otyrǵanyn aıtqan. Sondaı-aq ol suraǵan aqshalaryn tapqanyn jáne ony aparyp berý úshin shyǵyp bara jatqanyn eskertken. Keıin ol baýyryn urlaǵandardyń birine 450 myń teńge aparyp bergen. Aqsha qolyna túse salysymen kúdikti kópqabatty úılerdiń aýlasyna jasyrynǵan.
Atalmysh fakti boıynsha jedel-izdestirý sharalary júrgizilip, polıtseıler kóz uzamaı qylmystyq topty qolǵa túsirdi. Tutqyndaý barysynda olardan 450 myń teńge tabyldy.
Jedel operatsııa barysynda esh jerde jumys istemeıtin 21 men 27 jas aralyǵyndaǵy Ońtústik Qazaqstan oblysynyń 5 azamaty ustaldy. Qazirgi tańda QR QK 125-baby ıaǵnı, adam urlaý faktisi boıynsha tergeý amaldary júrgizilýde.
