Almaty oblysynda adam óltirgen sheteldik ózge qaladan ustaldy
Almaty oblysynyń Talǵar aýdanynda bolǵan adam ólimine qatysty kúdiktilerdi anyqtaýǵa baǵyttalǵan jedel-izdestirý sharalary ótti. Onyń barysynda polıtseıler 50 jastaǵy kúdikti – Ózbekstan azamatyn Shymkent qalasynan ustady. Ol Talǵar qalasyna jetkizildi.
«Kúdikti retinde 1970 jyly týǵan Ózbekstan Respýblıkasynyń azamaty ustaldy. Ol ishimdik iship otyrǵanda týyndaǵan janjal barysynda tanysyna pyshaq jaraqatyn salǵanyn jáne ol sonyń saldyrynan kóz jumǵanyn moıyndady. Qazir QR Qylmystyq kodeksiniń 99-babyna sáıkes sotqa deıingi tergeý amaldary júrgizilýde. Kúdikti qamaqqa alyndy. Ózge aqparat tergeý qupııalylyǵyna baılanysty taratylmaıdy», - dedi Talǵar aýdandyq polıtsııa bóliminiń bastyǵy Janbolat Zıadın.
Kúdikti asa aýyr qylmys jasaǵannan keıin oqıǵa ornynan iz sýytqan.
«Sonymen qatar, oqıǵanyń kýágeri bolǵan úshinshi adam da qamaqqa alyndy. Qazirgi ýaqytta oǵan qylmysty jasyrý deregi boıynsha aıyp taǵyldy. Budan bólek, kúdikti dep tanylǵan ózge memleket azamatynyń elimizge kelýiniń zańdylyǵy jáne nemen aınalysqany tolyqqandy tekseriletin bolady»,- dep tolyqtyrdy polıtsııa polkovnıgi Janbolat Zıadın.