Almaty oblysynda adam óltirgen kúdikti 5 jyl ózge óńirde jasyrynǵan
TALDYQORǴAN. QazAqparat - Almaty oblysynda 5 jyl buryn adam óltirgen kúdikti Qaraǵandy oblysynda ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, qaıǵyly jaǵdaı 2015 jyly Balqash aýdanyndaǵy Qaraoı aýylynda bolǵan. Dastarhandas bolǵan er azamat 44 jastaǵy úıdiń ıesine pyshaq jaraqatyn salǵan.
«Atalǵan derek QR QK 106-baby 3-bóligi (»Abaı̆syzda jábirlenýshiniń ólimine ákep soqqan densaýlyqqa qasaqana aýyr zııan keltirý») boı̆ynsha tirkelip, kúdikti de anyqtalǵan. Keı̆innen onyń jaýapkershilikten qashyp, jalǵan jaýap bergeni belgili boldy», - dedi vedomstvodan.
Polıtsııa qyzmetkerleri tekserý jumystaryn júrgizgenshe, kúdikti izin sýytyp úlgergen. Birqatar saraptamalar júrgizilgennen jáne qashqynǵa qatysty negizdi dálelderden keı̆in sot kúdiktige qatysty kúzetpen ustaý túrindegi bultartpaý sharasyn belgilegen.
2015 jyldyń 7 maýsymynda kúdiktige izdeý jarııalandy. Bes jyldan astam ýaqyt boı̆y ol tergeýden muqııat jasyrynǵan.
«2020 jyldyń 23 maýsymynda jedel aqparat alyp Qaraǵandy oblysyna jetken Almaty oblysynyń polıtseı̆leri Qaraǵandy oblysynyń Aqtoǵaı̆ aýdanynan izdeýde júrgen adamdy ustady», - delingen aqparatta.
