Almaty oblysynda adam óltirdi degen kúdikpen 28 jastaǵy jigit izdestirilip jatyr
TALDYQORǴAN. QazAqparat - Almaty oblystyq polıtsııa departamenti Jaslan Isataıulyna halyqaralyq izdeý jarııalady, dep habarlaıdy QazAqparat tilshisi.
Vedomstvonyń baspasóz qyzmetiniń málimetinshe, Sarqan aýdanynyń turǵyny adam óltirdi degen kúdikke ilinip otyr. Qylmys 2019 jyldyń 15 qyrkúıeginde Sarqan qalasynda jasalǵan. 1991 jyly týǵan kúdikti buǵan deıin de sottalǵan.
«Eger sýrettegi adamdy kórgen-bilgender bolsa dereý 8 (7283) 92-15-30 nemese 102 nómirine habarlasýyn suraımyz» delingen arnaıy habarlamada.
