Almaty oblysynda adam qaǵyp, qashyp ketken kólik júrgizýshisi ustaldy
TALDYQORǴAN. QazAqparat - Almaty oblysynda 54 jastaǵy áıeldi qaǵyp, qashyp ketken kólik júrgizýshisi ustaldy. Jol apaty Talǵar aýdanynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, qazir oqıǵa ornynan boı tasalaǵan 44 jastaǵy azamat túsinikteme berýde.
«Jol-kólik oqıǵasyna kýágerlerdi tabý múmkin bolmady. Biraq adam qaǵý sáti kóshedegi beınebaqylaý kamerasyna túsip qalǵan. Sonyń nátıjesinde mamandar kóliktiń túsin jáne markasyn anyqtady», dedi oblystyń polıtseıleri.
Sondaı-aq, tártip saqshylary adam qaǵyp, artynsha izin sýytqan kólik júrgizýshisiniń bul áreketi eskeriletinin atap ótti. Oqıǵa 2-shi qazan kúni Talǵar qalasyndaǵy kóshelerdiń birinde bolǵan. Al zardap shekken 54 jastaǵy azamatshanyń aıaǵy synyp, artynsha ol aýrýhanaǵa jetkizilgen.
