Almaty oblysynda adam qaǵyp, izin sýytqan júrgizýshi ustaldy
TALDYQORǴAN. QazAqparat - Almaty oblysynda jaıaý júrginshi jolaǵymen ótip bara jatqan áıeldi qaǵyp, oqıǵa ornynan boı tasalaǵan kólik júrgizýshisi ustaldy, dep habarlaıdy QazAqparat tilshisi.
Jol-kólik oqıǵasy Talǵar qalasynda 31-shi qazanda tirkeldi. Qala kósheleriniń birinde belgisiz kólik joldy jaıaý júrginshi jolaǵymen ótip bara jatqan 50 jastaǵy azamatshany qaǵyp ketken. Kólik júrgizýshisi alǵashqy kómek kórsetýdiń ornyna oqıǵa ornynan izin sýytqan.
Jedel izdestirý barysynda polıtsııa qyzmetkerleri kóliktiń markasyn anyqtap, ıesin qolǵa túsirdi. Sotaldy tergeý jumystary Talǵar ІІB mamandarynyń óndirisinde. Tergeý aıaqtalǵansha kólik aıyp turaǵyna qoıylyp, kúdiktige eshqaıda ketpeý mindetteldi.
