Almaty oblysynda Abaı atynda 227 kóshe bar

TALDYQORǴAN. QazAqparat - Almaty oblysynda 227 Abaı Qunanbaıuly kóshesi bar. Sondaı-aq óńirde uly aqyn esimimen 13 mektep pen 3 aýyl atalǵan, dep habarlaıdy QazAqparat tilshisi.

Jetisýlyqtar da Abaı Qunanbaıulynyń 175 jyldyq mereı toıyna daıyndyqty bastap ketti. Almaty oblysynda aıtýly dataǵa oraı jumys jospary bekitilgen. Bıyl oblys ortalyǵy Taldyqorǵanda qalamgerge eskertkish ornatylady. Arnaıy komıssııa músinshi Mırlan Ázmaǵambetovtyń nobaıyn tańdady. Jalpy eskertkish baıqaýyna 10-nan astam usynys túskin. Sondaı-aq Almaty oblysynda aqyn shyǵarmashylyǵyn nasıhattaý maqsatynda múshaıralar ótedi.

«Máselen oblystyq tilderdi damytý basqarmasy esse men zertteý maqalalalaryna baıqaý uıymdastyrsa, mádenıet basqarmasy «Abaıǵa arnaý» atty múshaıra jarııalady. Jeńimpazdar naýryz aıynda anyqtalmaq. Bul baıqaýdyń basty ereksheligi barlyq qatysýshylardyń óleńderi «Abaıǵa arnaý» kitabyna jınaqtalmaq», deıdi Almaty oblystyq mádenıet, arhıv jáne qujattama basqarmasy basshysynyń orynbasary Álııa Jaqypbekova.

Munan bólek Bıken Rımova atyndaǵy drama teatrdyń ujymy rejısser Qýandyq Rahymovpen «Abaı» spektakiliniń repetıtsııasyna bilek sybana kiristi.

Sonymen qatar uly aqyn týyp ósken Jıdebaıdaǵy memorıaldyq keshenge tarıhı-tanymdyq ekspıdıtsııalar men aqparattyq saparlar josparlanýda. Al aqyn týǵan kúni qarsańynda Taldyqorǵanda halyqaralyq ǵylymı-tájirbıelik konferentsııa ótetin bolady.