Almaty oblysynda «A» vırýstyq gepatıtin juqtyrǵan taǵy 8 adam anyqtaldy - QR Densaýlyq saqtaý mınıstrligi
ASTANA. 8 tamyz. QazAqparat - Búgin Almaty oblysy Talǵar aýdany Besqaınar aýylynda «A» vırýstyq gepatıtin juqtyrǵan taǵy 8 adam anyqtaldy,
dep habarlaıdy QR Densaýlyq saqtaý mınıstrliginiń baspasóz qyzmeti.
Elimizdiń sanepıdemıologtary «A» vırýstyq gepatıti taralýynyń aldyn alý sharalaryn júrgizýdi jalǵastyryp keledi. Atalmysh dertke qarsy 466 adam ımmýndaýdan ótkizilip, vaktsına egildi. Onyń 403-i jasy 1 men 14 aralyǵyndaǵy balalar.
Eske sala keteıik, buryndary habarlanǵanyndaı, osydan 4 kún buryn atalmysh aýylda 19 adam «A» gepatıtin juqtyryp, aýrýhanaǵa túsken bolatyn. Aýrýdyń oshaǵy sol óńirdegi tabıǵı demalys ornynan anyqtaldy. Vırýs adamdarǵa sapasyz sý arqyly juqqan.
