Almaty oblysynda 97 laýazymdy tulǵa jaýapkershilikke tartyldy
TALDYQORǴAN. QazAqparat - QR Qarjy mınıstrligi Almaty oblysy boıynsha ishki memlekettik aýdıt departamentiniń aýdıtorlyq tekserý barysynda 97 laýazymdy tulǵa tártiptik jaýapkershilikke tartyldy. Bul týraly óńirlik kommýnıkatsııalar qyzmetinde 10 aıdy qortyndylyǵan departament basshysy Narıman Botanov málimdedi, dep habarlaıdy QazAqparat tilshisi.
Jyl basynan 268 aýdıtorlyq is-shara uıymdastyryldy. Onyń 20-sy josparlanǵan bolsa, 248 tekserý jospardan tys júrdi. Tekserilgen qarajat kólemi 72,8 mlrd teńge. 38,6 mlrd teńge boıynsha qarjylyq buzýshylyqtar anyqtaldy.
Departament basshysy Narıman Botanovtyń aıtýynsha, negizgi qarjylyq buzýshylyqtar býhgalterlik esep pen memlekettik satyp alý barysynda oryn alǵan. Tártiptik jaýapqa tartylǵan 97 qyzmetkerdiń 57-sine eskertý, 36-syna sógis, 2 tulǵaǵa qatań sógis jarııalanyp, eki adam qyzmetinen bosatyldy.
Sondaı-aq óńirdiń bas aýdıtory jalpy quny 8,4 mln teńge bolatyn 3 fakti boıynsha qylmystyq is qozǵalyp, tergeý amaldary júrip jatqandyǵyn atap ótti.
