Almaty oblysynda 950 adam aýrýhanada koronavırýstan emdelip jatyr
«21 jeltoqsandaǵy jaǵdaı boıynsha óńirde 950 adam statsıonarlyq em qabyldaýda. Bir táýlikte aýrýhanalarǵa 136 adam tústi. Óńir aýrýhanalaryndaǵy tósek-oryn sany – 2330. Tósek-oryn júktemesi – 40,7%. Jansaqtaý bóliminde 9 adam bar. Jansaqtaý bólimindegi tósek-oryn júktemesi - 3,8% (233 jatyn oryn). Sońǵy 3 kúnde 9521 adamnyń koronavırýsqa synamasy zerthanada tekserildi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, Almaty oblysy boıynsha koronavırýsqa qarsy vaktsınanyń birinshi komponentin alǵandar sany – 916 417, ekinshi komponentin alǵandar – 854 169 adam.
467 jaǵdaıdyń ishinde Taldyqorǵanda 104 adamnan koronavırýs anyqtalǵan.
Qarasaı jáne Talǵar aýdandarynda 69 jaǵdaıdan, Uıǵyr aýdanynda – 32, Eńbekshiqazaq aýdanynda – 26, Jambyl aýdanynda – 24, Balqash jáne Kerbulaq aýdandarynda 18 jaǵdaıdan, Tekeli qalasynda – 16, Panfılov, Qaratal aýdandary men Qapshaǵaı qalasynda 14 jaǵdaıdan, Eskeldi aýdanynda – 13, Іle aýdanynda – 11, Kóksý aýdanynda – 10, Alakól aýdanynda – 8, Kegen aýdanynda – 4, Raıymbek aýdanynda 3 jaǵdaı tirkeldi.
Sondaı-aq ótken táýlikte 268 adam emdelip shyqty. Óńir «qyzyl» aımaqta.