Almaty oblysynda 9 jastaǵy balany ıt talap tastady
«Oqıǵa 22 sáýir kúni keshki saǵat 19:00 shamasynda boldy. Naqty mekenjaıy Jambyl aýdanyna qarasty Aqseńgir aýyly, Atajurt kóshesi 29 úı. Atalǵan turǵyn úıdiń aýlasy qorshalmaǵan. Bos júrgen ıt 9 jastaǵy Sháripjan Halıfany talap tastaǵan.
Jedel járdem balanyń jaraqatyn tańyp, balalar aýrýhanasyna jetkizdi. Qazirgi ýaqytta onymen birge anasy Maqpal Almanova aýrýhanada jatyr. Dárigerler balanyń jaǵdaıy turaqty ekenin aıtty. Bala aqyly bólimde em alyp jatyr. Aqseńgir aýylynyń turǵyndary, eriktileri kópbalaly otbasyna kómek qolyn sozyp, uıymshyldyq tanytýda. Aýyl ákimi Erjan Qasymshalov kópbalaly otbasyna qarjylaı kómektesetin boldy.
Balany qaýyp alǵan ıt 23 sáýirde ustalyp, Uzynaǵash aýylynyń veterınarlyq stantsııasyna qamaldy»,- dedi Jambyl aýdany ákiminiń baspasóz hatshysy Baqtııar Aıtaly.
Vedomstvo ókiliniń aıtýynsha, bıyl aýyl turǵyndarynyń ótinishi boıynsha arnaıy qyzmetker ıtterdi aýlaý jumystaryn júrgizgen. Nátıjesinde Jambyl aýdanynda 469 ıt, oqıǵa bolǵan Aqseńgir aýylynda 30 buralqy ıt aýlanǵan.
Aıta keteıik, keshe Batys Qazaqstan oblysynda buralqy ıtter bir aýladan 60 qoıdy qyryp ketkenin habarlaǵan edik.