Almaty oblysynda 9 provızorlyq statsıonar jabyldy
TALDYQORǴAN. QazAqparat - Almaty oblysynda 9 provızorlyq statsıonar jabyldy. Bul - Taldyqorǵan, Tekeli qalalary men Eskeldi, Kóksý aýdandaryndaǵy emdeý mekemelerinen ashylǵan provızorlyq ortalyqtar, dep habarlaıdy QazAqparat tilshisi.
Koronavırýsqa shaldyqqandar sanynyń azaıyp, indetten jazylǵandardyń artýyna baılanysty óńirde 9 provızorlyq ortalyq jabyldy.
Alaıda bul ortalyqtar kúz-qys aılarynda pandemııanyń ekinshi tolqyny bola qalǵan jaǵdaıda qaıta jumys isteıdi.
Almaty oblystyq densaýlyq saqtaý basqarmasynyń basshysy Ómirzaq Nııazbekovtyń aıtýynsha, oblysta koronavırýs indetiniń ekinshi tolqynyna daıyndyq qyzý. Eki aılyq dári-dármek qory jınaqtalyp, qosymsha 50 mln teńgege qajetti preparattarǵa tapsyrys berilgen.
Sondaı-aq oblystaǵy emdeý mekemelerinde 300-den asa ókpeni jasandy jeldetý apparaty bar. Aldaǵy ýaqytta onyń sanyn kóbeıtý josparlanyp otyr.
«700-den artyq ottegi kontsentratory bar. Ókpeni jasandy jeldetý apparatyn 500-den asyramyz. Densaýlyq saqtaý mınıstrligi qazirdiń ózinde 119 apparat alyp beredi. 100 apparatty ózimiz satyp alǵaly jatyrmyz. Jáne de gýmanıtarlyq kómekpen bizge túsip jatyr», - deıdi basqarma basshysy.
