Almaty oblysynda 82 jastaǵy qarııany tonap ketti
TALDYQORǴAN. QazAqparat - Almaty oblysynda 82 jastaǵy qarııanyń 800 myń teńge aqshasy urlandy. Jábirlenýshi bul qomaqty qarajatty óziniń jerleýine jınaǵanyn aıtqan, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, atalǵan fakti boıynsha 29 jastaǵy bir-birine týysqan áıel men er azamat ustaldy. Olar Almaty qalasynyń turǵyndary. Sondaı-aq, ekeýiniń sybaılasy 41 jastaǵy Eńbekshiqazaq aýdanynyń turǵyny da kúdikti retinde qolǵa tústi. Ustalǵandardyń sózinshe, qarııada qomaqty qarjy bar ekenin kúdikti áıel adam aıtqan. Ol buǵan deıin de «tonaý» faktisi boıynsha sottalǵan. Sonyń aıtýy boıynsha, eki er adam elektr mamany retinde qarııanyń úıine baryp, 82 jastaǵy áıel adamdy skotchpen baılap, shkafta turǵan aqshasyn tonap ketken. Qazir kúdiktiler kúzetpen qamaýǵa alyndy. Bul is QR QK 192-baby 3-bóligi ıaǵnı, «Tonaý» deregi boıynsha tirkelip, sot-aldy tergeý júrip jatyr.
