Almaty oblysynda 81 jastaǵy qartty tonaǵan kúdikti ustaldy
TALDYQORǴAN.QazAqparat - Almaty oblysynda 81 jastaǵy zeınetkerdi tonaǵan kúdikti ustaldy. Qazir eshqaıda jumys istemeıtin 36 jastaǵy er adamnyń ústinen QR QK 191 baby (Tonaý) boıynsha is qozǵaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 4 qańtarda Tekeli qalasynyń tártip saqshylaryna zeınetker aryzdanǵan. Onyń sózinshe, belgisiz adam úıine jóndeý jumystaryn júrgizemin dep kelip, 60 myń teńge aqshasyn tartyp alǵan. Tártip saqshylary kúdiktini eki saǵattyń ishinde qolǵa túsirdi. Ustalǵan adamnyń buǵan deıin birneshe márte tonaý jáne qaraqshylyq derekteri boıynsha qylmystyq jaýapkershilikke tartylǵany anyqtaldy.
«Kúdikti ustaldy. Qazir urlanǵan aqshanyń 14 myń teńgesi jábirlenýshige qaıtaryldy. Al qalǵan qarajatty kúdikti ishimdikke jaratyp qoıǵanyn aıtty. Atalǵan fakti boıynsha QR QK 191 babyna sáıkes is qozǵalyp, tergeý jalǵasýda», dep málim etti oblystyq ІІD baspasóz qyzmeti.
Al kúdiktige eshqaıda ketpeý jaıynda eskertilip, polıtsııa bólimshesine shaqyrǵan ýaqytta kelýge mindetteldi.
