Almaty oblysynda 80-ge jýyq jylqy urlaǵandar ustaldy
TALDYQORǴAN.QazAqparat - Almaty oblysynda 80-ge jýyq jylqy urlaǵan baýkespeler ustaldy. Olardyń búginde 10 qylmysqa qatysy bar ekeni dáleldendi, dep habarlaıdy QazAqparat tilshisi.
Tórt adamnan quralǵan qylmystyq top músheleri 1978-1999 jyly týǵan aýyl turǵyndary. Olardyń bireýi buǵan deıin de sottalǵany anyqtaldy. Aıta keteıik, kúdiktiler tek jylqy urlaýdy kásip etken. Al olardy Taldyqorǵan mańynda polıtsııanyń krımınaldyq jedel toby ustady.
«Ustalǵan top barymtashylyqpen 2018 jyldan 2019 jyldyń sáýir aıyna deıin aınalysqan. Olar Qarabulaq, Kerbulaq aýdandarymen Taldyqorǵandaǵy jylqylardy úptep ketip otyrǵan. Іs materıalyna sáıkes, osy aralyqta olar 80-ge jýyq jylqyny urlaǵan. Qazir 40-tan astam jylqy tabylyp, zańdy ıesine qaıtaryldy. Sondaı-aq olar urlanǵan maldy jáne maldyń etin ótkizgen adamdardyń kim ekeni de belgili boldy», - dep málimdedi oblystyq polıtsııa departamentiniń baspasóz qyzmeti.
Qazir dáleldengen faktiler boıynsha shyǵyn kólemi 20 mln teńgeden asyp ketti. Polıtseıler kúdiktilerdiń ózge qylmystarǵa qatysy bar-joǵyn anyqtaý ústinde.
«Qazirgi tańda 10 epızod boıynsha urlyq faktisi bir óndiriske biriktiriledi. Sotaldy tergeýmen oblystyq departamenttiń tergeýshileri aınalysýda. Sondaı-aq tergeý barysynda urlanǵan maldardy satyp alǵandardy jaýapqa tartý jaǵy da qarastyrylady», dep tolyqtyrdy vedomstvo ókilderi.
