Almaty oblysynda 8 jasar balany ıt talap óltirdi
ALMATY. QazAqparat– Almaty oblysynda 8 jasar balany nemis ovcharkasy talap óltirdi, dep habarlaıdy QazAqparat tilshisi.
Almaty oblystyq polıtsııa departamentiniń habarlaýynsha, qaıǵyly oqıǵa 30 qarasha kúni Eńbekshiqazaq aýdany Shelek aýylynda bolǵan.
«Biz bala ólimi týraly faktini rastaımyz. Qazir bul isti aýdandyq polıtsııa bólimi tekserip jatyr. Nemis ovcharkasy sol otbasynyń ózine tıesili. Arnaıy qyzmet mamandarynyń kómegimen ıttiń kózi joıyldy. Tergeý oblystyq basqarmanyń baqylaýynda. Biz saraptama nátıjesin kútemiz, sodan keıin túpkilikti protsessýaldy sheshim qabyldanady»,- deıdi Almaty oblysy DP resmı ókili Serik Úpıev.
foto:hotwireins.com