Almaty oblysynda 8 adam ystan ýlanyp, kóz jumdy
TALDYQORǴAN.QazAqparat - Almaty oblysynda jylytý maýsymy bastalǵaly 8 adam ystan ýlanyp, kóz jumǵan. Taǵy 11 adam peshten shyǵatyn ýly gazdan zardap shekken. Onyń teń jartysy balalar, dep habarlaıdy QazAqparat tilshisi.
Byltyrǵy jyldyń dál osy kezeńimen salystyrǵanda mundaı derekter 4 ese ósken. Bul kórsetkishter tótenshe jaǵdaılar departamentiniń mamandaryn alańdatyp otyr. Sondyqtan sala mamandary aqpan aıyn qaýipsizdik sharalaryn túsindirý aılyǵy bolyp belgilep reıdterge shyǵa bastady. Al qaıǵyly jaǵdaılar kóbine peshtiń durys salynbaýynan jáne ýaqtyly tazalamaýdan bolady, deıdi Almaty oblystyq TJD bas mamany Tolqyn Qatysheva. Tótenshelikter qala irgesindegi aýyldar men saıajaı aýmaqtaryn aralap, únparaqtar taratyp júr. Sondaı-aq mektepterde ata-analar jınalysyn ótkizip, turǵyndardan órt qaýipsizdigi erejelerin qatań saqtaýdy eskertýde.
