Almaty oblysynda 79 jastaǵy keıýanany kókala qoıdaı qylyp sabaǵan adam ustaldy
TALDYQORǴAN. QazAqparat - Almaty oblysynyń polıtsııasy Jetigende turatyn 79 jastaǵy qart ájeniń denesin jaraqatyn alý jaǵdaıyn anyqtady, - dep habarlaıdy QazAqparat tilshisi.
Esterińizge sala keteıik, 14 maýsymda Іle aýdanynyń ortalyq aýdandyq aýrýhanasyna Jetigen aýylynyń 79 jastaǵy turǵyny kelip túsken.
Jaýap alý barysynda egde jastaǵy azamatsha jalǵyz turatynyn, qulap qalyp, denesindegi jaraqat sodan bolǵanyn aıtqan. Sonymen qatar, aryz berýden, sot-medıtsınalyq saraptamadan ótýden bas tartqan.
Atalǵan derek QR QK 107-baby 1-bóligi «Densaýlyqqa qasaqana aýyrlyǵy ortasha zııan keltirý» boıynsha tirkeldi.
Sotqa deıingi tergeý barysynda tártip saqshylary tanysyn kúrektiń sabymen urǵanyn moıyndaǵan Jetigen aýylynyń 70 jastaǵy turǵynyn anyqtady. Aıǵaq zat qylmys quraly retinde saraptamaǵa jiberildi.Kúdikti mekenjaıyn ózgertpeý týraly qolhatpen bosatyldy. Іstiń mán-jaıy sotqa deıingi tergeý barysynda belgili bolady.
Tergeý jalǵasýda.
